Y'in a qu'pour li
Renaud
(Accent Ch'Ti indispensable !) Y'in a qu'pour li (Simon Colliez / Version Renaud) Quand j'entinds certains dire qu'i mènent eune vraie vie d'tchien J'voudros bien ête à leur plache, i faut vire el'mien In l'caline in l'chouchoute in li fait des caresses Ch'est el petit toutou chéri à sa maîtresse Mi in ravisse à m'acater des cigarettes Mais in acate des trucs in boîte pou ch'petite bête In li donne un bol ed'lait caud tous les matins Mi ch'est toute eune histoire si j'bos un verre ed'vin Pas question d'écouter l'radio après l'dîner Ch'kien i s'arpose i faut surtout pas l'réveiller Mais chi ch'est mi qui va m'allonger dins ch'divan In claque el'porte, là in s'en fout d'faire du boucan Ch 'est pour qui les p'tits mots gentils Min p'tit biquet min gros chéri Ch 'est pas pour mi, ch 'est tout pour li Et ch'est pour qui les p'tites caresses Les mots rimplis ed'gentillesse Ch 'est 'cor pour li, jamais pour mi All'm'a jamais parlé comme cha All'm'a jamais dit chés mots-là A croire qu'ichi, ech'kien ch'est mi Surtout n'allez pas croire mes gins Que j'sus jaloux de ch'petit kien Mais i n'n'a qu pour li I'est mieux vu qu'mi Li ya l'drot d'aller faire sin p'tit tour tous les jours Mi j'ai à peine el'drot d'aller plus loin que l'cour I'arvient i rinte avec ses pattes sales dins ch'maison In li dit rien si ch'étot mi quo'que j'prindros In f'sant sin p'tit pipi quand i'in met sus l'moquette In li dit rien in pardonne tout à ch'pitite bête Mi si j'in mets eune goutte à côté de l'cuvette Ch'est tout un drame et quo que j'prinds dins mes niflettes (Refrain) Avec un kien d'garde comme cha all'est bien montée Te n'sais même pas si i s'rot capab'd'aboyer Chi un jour par malheur ail's'faisot attaquer J'cros bien que se s'rot li el'premier à s'sauver Tous les soirs ch'est parel pour raviser l'télé Mi j'sus sur eune cayelle li i est sus ch'canapé Tout au début j'ai voulu el'faire décamper I m'a mordu, em'femme ail'm'a cor ingueulé (Refrain)
